काठमाडौं । नेपालले आज बिहान भएको खेलमा मलेसियालाई पराजित गरेको छ।आइसिसी टी २० विश्वकप अन्तर्गत एसिया छनोट प्रतियोगितामा नेपालले मलेसियालाई ७ विकेटले पराजित गरेको छ। पहिलो खेलमा कतारसँग हार बेहोरेको नेपाललाई जितले ठूलो राहत मिलेको छ।

Advertisement

बुधबार सिंगापुरको इन्डियन एसोसिएसन मैदानमा मलेसियाले दिएको ८४ रनको लक्ष्य नेपालले ६ बल खेल्न बाँकी छदा ३ विकेटको क्षतिमा पूरा गर्‍यो।

नेपालको जितमा कप्तानीको भूमीका रहेका ज्ञानेन्द्र मल्लले अर्धशतक प्रहार गरे। उनले २१ बलमा ५१ रन जोडे। त्यसक्रममा उनले ५ चौका र ३ छक्का प्रहार गरे।