सागर राज तिमिल्सिना पोखरा, कात्तिक २८।

विप्लव नेतृत्वको नेकपा माओवादीले गरेको बन्दका कारण पोखरा र आसपासको जन जीवन प्रभावित भएको छ । मंहगी, भष्ट्रचार र खाद्य सम्प्रभुताको विषयमा आवज उठाउँदै नेकपा माओवादीले बन्दको गरेको हो।

Advertisement

बन्दका कारण पोखरामा सवारी साधन गुड्न सकेका छैनन् भने शिक्षण संस्था, उद्योगधन्दा, कलकारखाना तथा पसल बन्द छन्। भित्र रहेका पसलहरु केही मात्रमा खुलेका छन् भने फाट्फुट्ट सवारी साधन समेत चलेका छन्।

लामो तथा छोटो दुरीका सवारी नचल्दा सर्वसाधारण मर्कामा परेका छन् । बन्दका बेला अप्रिय घटना हुन नदिन सडकमा सुरक्षाकर्मी बाक्लो रुपमा खटाइएको छ ।

बिहान ५ बजे देखि साझँ ५ बजे सम्म बन्द रहने बन्द कर्ताले जनाएका छन्। प्रेस, एम्बुलेन्स, कुटनीतिका सवारी र तरुणतलले तोकिएका सवारीलाई चल्ल दिने माओवादीले जानकारी दिएको छ।