दमौली, १६ माघ । घरबाट पाँच दिनदेखि हराएका एक व्यक्ति आज मृत अवस्थामा भेटिएका छन् । भिरकोट गाविस–५ घर भई हाल काहुँ शिवपुर–१ झापुटार बस्दै आएका ४९ वर्षीय दुर्गाबहादुर रानाभाट मृत अवस्थामा फेला परेको घटनास्थल पुगेका प्रहरी निरीक्षक विजय पौडेलले बताउनुभयो ।

Advertisement

सेती र मादी नदीको दोभानभन्दा केही तल ढुङ्गाको अन्तरमा अल्झेको अवस्थामा शव फेला परेको थियो । माघ १२ गते घरबाट हराएका रानाभाटको घरपरिवारले खोजी गरिरहेका थिए । मृतकको शव परीक्षणका लागि दमौली अस्पतालमा राखिएको र घटनाबारे अनुसन्धान भइरहेको प्रहरीले जनाएको छ । रासस