नेपालगञ्ज: नेपालगञ्ज नगरका विभीन्न वडामा नेपाली कांग्रेसका उम्मेदवारहरुले घरदैलो अभियानलाई तिव्रता दिएका छन् । वडा अध्यक्ष, सदस्यका उम्मेदवारले वडा नं १ को शिव पार्बती टोलमा विहान घरदैलो गरेका छन् । घरदैलो अभियानका क्रममा मतदाताहरुले पुर्ण रुपमा सहयोग गर्ने प्रतिवद्धता जनाएको उम्मेदवारले बताएका छन् । बेलुका वाटरपार्क, पारिजात टोलमा घरदैलो गरिने वडा अध्यक्ष उम्मेदवार सीता काफ्लेले बताउनुभयो । त्यस्तै काँग्रेसका उम्मेदवारले वडा नं २ का घरबारी टोल, एन्जल्स स्कुल नजिकका घर आँगनमा घरदैलो गरेका छन् । वडा अध्यक्षका उम्मेदवार सनिलसिंह हमालले मतदाताले विजयको शुभकामना दिएको बताउनुभयो । त्यसैगरि बुद्धनगर नयाँ बस्तीमा पनि आज साँझ घरदैलोलाई ब्यापकता दिइने वडा न ४ का वडा अध्यक्षका उम्मेदवार राधा थापाको भनाई छ । बाल्मीकी टोल, कुर्मी टोल तथा सदरलाईनका विभीन्न स्थानमा घरदैलो अभियानलाई तिब्रता दिइने वडा नं ९ का वडा अध्यक्षका उम्मेदवार चन्द्र प्रसाद तिमील्सेनाले जानकारी दिनुभयो ।

Advertisement