नेपालगञ्ज, १४ मंसिर । सिविल बैंक लिमिटेड नेपालगञ्ज शाखाले आज नेपालगञ्जमा गरेको रक्तदान कार्यक्रममा ५६ जनाले रक्तदान गरेका छन् । आफ्नो आठौं बार्षिकोत्सवको अवसर पारेर बैंकको नेपालगञ्ज शाखाले रक्तदान कार्यक्रमको आयोजना गरेको हो । बैंकले सामाजिक उत्तरदायित्व कार्यक्रम अन्तर्गत् रक्तदान कार्यक्रम आयोजना गरेको बैंकका शाखा प्रबन्धक विजय केसीले बताउनुभयो । बैंकका रिजनल सुभपरभाइजर विष्णुनाथ योगीले हरेक वार्षिकोत्सवमा सामाजिक उत्तरदायित्व अन्तर्गत् बैंकले विभिन्न रचनात्मक कार्यक्रम गर्दै आएको जानकारी दिनुभयो ।

Advertisement