नेपालगञ्ज, ११ माघ । चौथो बाँके माघ महोत्सव २०७५ आजदेखि कोहलपुरको मैटहवामा सुरु हुँदैछ । थारु कल्याणकारिणी सभा बाँकेले आयोजना गरेको दुई दिने महोत्सवको काँग्रेस संसदीय दलका उपनेता विजयकुमार गच्छदारले उद्घाटन गर्दैछन्।

Advertisement

महोत्सवको  मुख्य आकर्षणको रुपमा थारुहरुको पहिचानसँग सम्बन्धित सामग्री सहितको थारु संग्राहलय रहने बताईएको छ। निःशुल्क प्रवेशको ब्यवस्था रहेको महोत्सवमा थारु मौलिक गीत तथा नृत्य प्रतियोगिता समेत हुनेछ । नृत्य प्रतियोगितामा प्रथम हुनेलाई २० हजार, दोस्रोलाई १५, तेस्रो हुनेलाई १० हजार र सान्त्वनालाई ५ हजार रुपैयाँ पुरस्कारको व्यवस्था छ ।

प्रतियोगितामा सहभागिता जनाउने सबै समूहलाई यातायात खर्च वाफत् १ हजार ५ सय रुपैयाँ उपलब्ध गराइने भएको छ । ४ लाख लागतमा सञ्चालन गर्न लागिएको महोत्सवमा २० हजार थारु तथा अन्य समुदायले अवलोकन गर्ने बताइएको छ ।