नेपालगन्ज । पतीको फरुवा आक्रमणबाट पत्नीको मृत्यु भएको छ। डुडुवा गाउँपालिका ६ पट्वारीपुर्वाका ५० वर्षीय बुद्धिराम मुराउले फरुवाले आक्रमण  गरेर आफ्नी  ३५ वर्षीया पत्नी राधा मुराउको हत्या गरेका छन् । राधा बुद्धिरामकी दोस्री श्रीमती हुन् ।

Advertisement

घर नजिकैको बारीमा सिंचाइ गर्ने बेलामा मंगलवार बुद्धिरामले पत्नी राधालाई फरुवाले हिर्काउँदा उनको घटनास्थलमै मृत्यु भएको प्रहरीले  जानकारी दिएको छ । घटनालगत्तै  घटनास्थल पुगेको प्रहरीले राधालाई मृत अवस्थामा फेला पारेको थियो ।उनका पती घटनालगत्तै फरार भएका छन ।

घटनास्थल नेपाल–भारत सीमानजिक भएकोले उनी भारततिर गएको प्रहरीको अनुमान छ । उनको खोजिकार्य र घटनाबारे थप अनुसन्धान भईरहेको प्रहरीले जनाएको छ ।