शम्शेरगन्ज( बाँके )।  बाँकेको राप्तीसोनारी गाउँपालिका ८ शम्शेरगन्ज नजिकै यात्रुबहाक बससँग टिपर ठोक्किदा ५ जना घाइते भएका छन् । काठमाडौंबाट कोहलपुरतर्फ आइरहेको रात्रीबससँग तिव्र गतीमा रहेको टिपर आज बिहान ठोक्किएको छ ।

Advertisement

सो दुर्घटनामा परेर ५ जना यात्रुहरु घाइते भएको स्थानीय प्रहरीले जनाएको छ । भे १ च २८९२ नम्बरको टिपरले आफ्नै लेनमा रहेको ना ६ ख १३४० नम्बरको बसलाई अगाडिबाट ठक्कर दिएको थियो।

दुर्घटनामा बसमा सवार ३ जना र टिपरमा सवार २ जना गरी ५ जना घाइते भएको प्रहरीले जनाएको छ । घाइतेहरुको कोहलपुरमा उपचार भइरहेको छ । पछिल्लो समयमा जिल्लामा तिव्र गतीमा चलाउने टिपरका कारण दुर्घटना बढिरहेका छन् ।