लक्ष्मण बस्नेत ,दाङ । दाङमा जारी जिल्ला लिग फुटबल प्रतियोगिता २०७६ मा लक्ष्य युवा क्लब मलवार र स्पोर्ट्स स्कुल फुटबल एकाडेमी तुलसीपुरले अंक बाडेका छ्न् ।
अखिल नेपाल फुटबल संघको वार्षिक कार्यक्रम अनुसार दाङ जिल्ला फुटबल संघको आयोजनामा संचालित प्रतियोगिता अन्तरगत बिहिवार भएको शसक्त र शानदार खेलमा दुबै टिमले निर्धारित समय सिमा सम्म गोल रहित बराबरी खेलेपछी एक/एक अंक बाडेका हुन् ।
उल्लेख्य दर्शकले खचाखच भरिएको अरनिको खेल मैदानमा आफुलाई लिगको दाबेदारी प्रस्तुत गरेका दुबै टिमका थुप्रै गोल हुने अबसरले गोलपोस्टको जाली चुम्न सकेनन् ।जारी लिगमा लक्ष्य युवा क्लबले आफ्ना दुई खेल ड्र गर्दै २ अंक बटुलेको छ भने एस एस एफ ए को पहिलो खेल ड्र हुँदै १ अंक छ । उता सक्सेस युथ क्लब एक खेल जित्दै ३ अंक हात पार्न सफल भएको छ !यसैबिच शुक्रबार बेलुका सवा ५ बजे हुने खेलमा टाईगर युवा क्लब र युनाइटेड युथ क्लब आमने सामने हुदैछ्न् ।

Advertisement