ज्ञानु सङ्गम खड्का/नेपालगन्ज।नेपालगन्ज मल्टिपल क्याम्पस(एनएमसी)ले शनिबार अभिमुखीकरण तथा दसैं मिलन कार्यक्रम सम्पन्न गरेको छ।नेपालगन्ज स्थित सुनाखरी रेष्टुरेन्टमा सम्पन्न उक्त कार्यक्रमको अध्यक्षता आदर्श ग्रुप तथा एनएमसीका चिफ एकेडेमीक एडभाईजर प्रकाश लामिछानेले गर्नुभएको थियो।कार्यक्रमको विशिष्ट अतिथिमा एनएमसीका चिफ डाइरेक्टर ईश्वर पोखरेल,प्रमुख अतिथिमा आदर्श स्कुलका संस्थापक तथा सनबिम माविका अध्यक्ष गिरीराज पौडेल र आदर्श स्कुलका संस्थापक तथा सनबिम माविका सिइओ डाक्टर राजकुमार सुवेदी रहनुभएको थियो।

Advertisement

त्यस्तै, अतिथिहरुमा आदर्श ग्रुपका संस्थापक पवन गौतम,एनएमसीका क्याम्पस चिफ थानेश्वर पाण्डे , सहायक क्याम्पस चिफ थमन केसी, आदर्श माविका स.प्राचार्य टंक गौतम, अध्यापक महेश्वर जोसी, भानुभक्त रेग्मी, भरत बिष्ट ,धबेन्द्र न्यौपाने , अनिल भण्डारी,रबिन्द्र रेग्मी, ॠषिराम देवकोटा ,एकराज राणा , भुपेन्द्र डिसी,शरद शर्मा, उमेश सेन,पुर्व अध्यापक तथा नेपाल बैंक ताराताल शाखाका प्रमुख दुर्गा प्रसाद घिमिरे, खेल प्रशिक्षक जीवन रावल, कर्मचारी नृप रावल तथा आरिफ खान लगायतका रहनुभएको थियो।कार्यक्रममा मन्तव्य राख्दै विशिष्ट अतिथि एवम चिफ डाइरेक्टर पोखरेलले भन्नुभयो , “एनएमसी विद्यार्थीहरुलाई पढाइसंगै उनीहरुको समग्र व्यक्तित्व बिकासका लागि सधै तत्पर छ। कलेजले राम्रो नतिजा ल्याउनमा मिहिनेती विद्यार्थीको साथसाथै दक्ष शिक्षकको पनि आवश्यक हुन्छ,यो एनएमसीले पाएको छ। हामीले विद्यार्थीलाई आवश्यक परेको खण्डमा हाम्रा विभिन्न संस्थाहरुमा जागीर लगाइदिएका छौं।आउने दिनमा एनएमसीले बाँके/बर्दिया मात्रै नभएर यस क्षेत्र तथा नेपालभरी नै उत्कृष्ट नतिजा ल्याउँदै जानेछ।”

कार्यक्रमका प्रमुख अतिथि तथा सनबिम माविका अध्यक्ष गिरीराज पौडेलले आदर्श ग्रुप अन्तर्गत सन्चालन भइरहेका प्रत्येक संस्थाहरुले एनएमसीमा गुणस्तरीय शिक्षा प्राप्त गरिरहेका तथा उतिर्ण भइसकेका सबैलाई रोजगारी प्रदान गर्नको लागि पर्खिरहेको कुरा व्यक्त गर्नुभयो ।क्याम्पस चिफ थानेश्वर पाण्डेले सन्चालन गर्नुभएको कार्यक्रममा स्वागत मन्तव्यमा सहायक क्याम्पस चिफ थमन केसीले एनएमसीका प्रत्येक अध्यापक तथा म्यानेजमेन्ट टिमले विद्यार्थी र अध्यापक तथा विद्यार्थी र म्यानेजमेन्ट टिमको बिचमा कुनै पनि दुरी नराखी विद्यार्थीहरुलाई विद्यार्थी मात्रको साटो आफ्ना भाइ,बहिनी , छोराछोरी जस्तै व्यवहार चार वर्षसम्म मात्र नभई त्यसपछिका दिनहरुमा पनि गरिरहने कुरा व्यक्त गर्नुभयो ।

कार्यक्रमको समापन गर्दै सभापति तथा चिफ एकेडेमीक एडभाइजर प्रकाश लामिछानेले व्यवस्थापनका विद्यार्थीहरुले सधै आफुले आफैलाई भाग्यमानी ठान्नु पर्ने, अझ त्यसमाथि एनएमसीमा व्यवस्थापन पढिरहेका विद्यार्थीहरुले थप भाग्यमानी ठान्नुपर्ने, किनकि एनएमसीले सधै विद्यार्थीहरुलाई सहुलियतपूर्ण शुल्कमा उच्चस्तरीय सुबिधासहित गुणस्तरीय शिक्षा प्रदान गरिरहेको र गरिरहने कुरा व्यक्त गर्नुभयो ।

कार्यक्रमका अन्य वक्ताहरुमा आदर्शका सहायक प्राचार्य टंक गौतम, बाँके/ बर्दिया जिल्लामै प्रथम स्थान ल्याउन सफल प्रेम बहादुर थापा, द्वितीय स्थान ल्याउन सफल अनिता रावत, मध्य तथा सुदुर-पश्चिममै प्रथम स्थान ल्याउन सफल ओम प्रताप सिंङ, अभिनव सत्गैँया , सुशील नेपाली लगायत रहनुभएको थियो।