नेपालगन्जको जिभिएन कलेजमा स्वागत कार्यक्रम गरियो

प्रकाशित मिति : २०७६, ६ आश्विन सोमबार ११:१७

नेपालगन्ज।शिक्षा क्षेत्रमा आफनो नाम अग्रणी स्थानमा राख्न सफल नेपालगन्जको जिभिएन कलेजले ११ मा भर्ना भएर अध्ययन गरिरहेका विद्यार्थीहरुलाई एक कार्यक्रम गरी स्वागत गरेको छ ।
कक्षा १२ मा विभिन्न संकायमा अध्ययनरत विद्यार्थीहरु र कलेेजको संयुक्त आयोजनामा कार्यक्रम गरिएको हो। कलेजको प्राङ्गणमा भएको स्वागत कार्यक्रममा विशिष्ट अतिथिका रुपमा नेपालगन्ज वडा प्रहरी प्रमुख हरी बस्नेत रहनु भएको थियो। कार्यक्रममा शुभकामना मन्तव्य दिने क्रममा कलेजका सिइयो गणेश भण्डारीले जिभिएन कलेजका विद्यार्थीहरुले पढाइका संगसंगै सामाजिक कार्य पनि गरेर कलेजको नाम नेपाल भरि नै चिनाउन सफल रहेकोले खुसी व्यक्त गर्नुभयो। साथसाथै उहाँले उत्कृष्ट कार्यहरु गरेकोले विद्यार्थीहरुलाई धन्यवाद प्रकट गर्नुभएको थियो ।
कार्यक्रममा सांस्कृतिक कार्यक्रम , चेतनामूलक नाटक विद्यार्थीहरुले प्रस्तुत गरेका थिए । कार्यक्रममा कलेजका सञ्चालक समितिका तोजिन्द्र बिक, इश्वर पौडेल लगायतका सदस्यहरु, कक्षा ११ र १२ मा पढ्ने विद्यार्थीहरु, पत्रकार लगायतको उपस्थिति रहेको थियो ।