रोल्पा। रोल्पामा बस खोलामा खस्दा दुई जनाको मृत्यु भएको छ।  बस फर्काउने क्रममा ब्याक गर्दै गर्दा ग १ ख ५५३७ नम्बरको बस लुङ्ग्री खोलामा खसेको प्रहरीले जनाएको छ ।
दुर्घटनामा लुङ्ग्री गाउँपालिका ३ का २२ वर्षीय चालक यामलाल घर्ती र लुङ्ग्री गाउँपालिका २ का १८ वर्षीय यात्रु सूर्यलाल जीएमको घटनास्थलमै मृत्यु भएको सुनिल स्मृति गाउँपालिका ३ का वडा सदस्य सुरेन्द्र थापाले जानकारी दिए ।
रुइनिबाङबाट लुङ्ग्री गाउँपालिकाको सिर्पका लागि छुट्ने तयारीमा रहेको बस यात्रु लिन जाने क्रममा ब्याक गर्दा खोलामा खसेको प्रहरीले जनाएको छ । बसमा अन्य यात्रु नभएको प्रहरीले जानकारी दिएको छ।

Advertisement