बेँसीसहर, ५ माघ । नेपाली काँग्रेसका महामन्त्री डा शशाङ्क कोइरालाले स्थानीय निर्वाचन नयाँ संरचनामा हुन नसक्ने दावी गरेका छन् ।बुधबार एक कार्यक्रमका लागि लमजुङ पुगेका उनले पुरानै संरचनामा निर्वाचन गरिनुपर्नेमा जोड दिए । उनले भने, ‘पुनःसंरचनामा धेरै विवाद छन्, त्यसैले पुरानै संरचनामा टेकेर स्थानीय निर्वाचन गर्नुपर्छ ।’

Advertisement

उनले जनताको भावना विपरीत राज्य पुनःसंरचना हुन नसक्ने बताउँदै संविधान कार्यान्वयनका लागि जनताको सहभागिता र समर्थन चाहिने बताए । महामन्त्री कोइरालाले स्थानीय निर्वाचन भएको तीन चार महिनाभित्र प्रान्तको स्वरुप निर्धारण हुने उनको जिकिर थियो ।

उनले संविधान संशोधनको प्रस्ताव पारित गरेर प्रदेश र केन्द्रको निर्वाचन गर्न सकिने बताए ।