निर्वाचन परिणामको असर आरोप–प्रत्यारोपमा कांग्रेस नेता
प्रकाशित मिति : २०७४, ३ पुष सोमबार ०८:४३
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
नेपालगन्ज,३ पुस । प्रदेश तथा प्रतिनिधिसभा निर्वाचनमा अपेक्षाकृत परिणाम नआएपछि कांग्रेस नेताहरूबीच परिणामका लागि को दोषी भन्ने विषयमा आरोप–प्रत्यारोप सुरु भएको छ। यो खबर महेश्वर गौतमले आजको राजधानीमा लेखेका छन्।
Advertisement
निर्वाचनअघि अप्रत्याशित परिणामको अपेक्षासम्म नगरेका नेताहरू परिणाम सार्वजनिक भएलगत्तै आरोप–प्रत्यारोपमा उत्रिएका हुन्। कांग्रेस वरिष्ठ नेता रामचन्द्र पौडेलले कांग्रेस सिद्धान्तमा विजय भएर पनि निर्वाचनमा पराजित हुनुको कारण खोज्न नेतृत्वले आनाकानी गरेको भन्दै नेतृत्वले जवाफ दिनुपर्ने बताए।‘पार्टीले सिद्धान्तमा जित्यो तर निर्वाचनमा हार बेहोर्नुपर्यो, यसको जवाफ नेतृत्वले दिनुपर्छ,’ वरिष्ठ नेता पौडेलले भने।
नेता अर्जुननरसिंह केसी आरोप–प्रत्यारोपभन्दा हारको कारक पत्ता लगाएर समाधान खोज्नुपर्ने निष्कर्षमा छन्। नेता, नीति र नेतृत्व सबै जिम्मेवार भएर निर्वाचन परिणामको समीक्षा गर्नुपर्ने उनको धारणा छ। कांग्रेस युवा नेता रामहरी खतिवडा मन्त्री बनाउँदा भागबन्डा खोज्ने सबै नेताले हारको नैतिक जिम्मेवारी लिन तयार हुनुपर्ने बताउँछन्। उनले मन्त्री बनाउन भाग खोज्नेहरू नै अहिले परिणामलाई लिएर पन्छिन खोजेको समेत दाबी गरे।
प्रदेश र प्रतिनिधिसभा निर्वाचनको परिणामपछि कांग्रेसभित्र सभापति शेरबहादुर देउवाको राजीनामादेखि विशेष महाधिवेशन डाक्नुपर्नेसम्मका माग उठ्न थालेका छन्।
सत्तारूढ दल नेपाली कांग्रेसका सभापति शेरबहादुर देउवामाथि निर्वाचन परिणामको समीक्षा गर्न तत्काल केन्द्रीय समिति बैठक बोलाउन दबाब बढेको छ।
वरिष्ठ नेता रामचन्द्र पौडेलले आफूले निर्वाचन सकिएलगत्तै सभापति शेरबहादुर देउवालाई केन्द्रीय समिति बैठक बोलाउन आग्रह गरेको भन्दै छिटो बैठक बोलाइनुपर्ने बताए। ‘मैले निर्वाचन सकिएपछि नै सभापतिज्यूलाई केन्द्रीय समिति बैठक बोलाउन भनेको हुँ, परिणाम पार्टीका पक्षमा आएन, बैठक बोलाएर आफ्नो काम गरौं, केमा कमजोरी भयो गम्भीर छलफल गरौं भनेको छु,’ उनले भने, ‘तुरुन्तै बैठक बोलाइनुपर्छ।’
नेता अर्जुननरसिंह केसीले निर्वाचनको परिणामपछि महासमिति बैठक बोलाउने वा विशेष महाधिवेशन बोलाउने भन्नेमा समेत नेताहरूले धारणा सार्वजनिक गर्न थालेको भन्दै त्यसका लागि तत्कालै केन्द्रीय समिति बैठक बोलाइनुपर्ने बताए। ‘पार्टी विधिबाट चल्नुपर्छ, अब कसरी अघि बढ्ने भन्ने निर्णय केन्द्रीय समिति बैठकबाटै हुनुपर्छ, त्यसका लागि तत्काल केन्द्रीय समिति बैठक बोलाइनुपर्छ,’ नेता केसीले भने।
कांग्रेसका अर्का प्रभावशाली नेता गगन थापाले यसअघिनै विशेष महाधिवेशन बोलाउन माग गरिसकेका छन्। कांग्रेसको अप्रत्याशित पराजयसँगै केन्द्रदेखि जिल्लासम्म नेतृत्वको आलोचना सुरु भएकाले केन्द्रीय समिति बैठक बसेर गम्भीर समीक्षा हुनुपर्ने भन्दै विभिन्न नेताले नेतृत्वमाथि दबाब दिँदै आएका छन्।