सुनिल रेग्मी

Advertisement

अन्तर वडा स्तरीय क्रिकेटको तयारी रातारात भईरहेको छ । प्रतियोगिताको मिति नजिकिदैँ गर्दा आयोजक ‘द ग्रुप अफ १६ युवा क्लव’ प्रतियोगितालाई भब्य बनाउन दिन रात खटिएको छ । अहिले प्रचारप्रसार देखि मैदान मर्मत सम्मारको काम तीव्र गतिमा चलिरहेको आयोजकका सदस्य तरुण बज्राचार्यले जानकारी दिए ।

क्लवले जेठ २४ गतेदेखि प्रतियोगिता गर्दैछ । नेपालगञ्ज उपमहानगरपालिकामा २३ वटा वडाको टीमको सहभागिता रहनेछ । प्रतियोगिताको विजेताले १ लाख द्वितियलाई ५० हजार, म्यान अफ द सिरिजलाई स्पोर्टस गियर साइकल, उत्कृष्ट ब्याट्सम्यानलाई क्रिकेट किट, उत्कृष्ट बलर र एमर्जिङ प्लेयरलाई एन्ड्रोइड मोबाइल, वेष्ट फिल्डरलाई पनि आकर्षित पुरस्कारको व्यवस्था गरिएको क्लवका अध्यक्ष विष्णु अर्यालले जानकारी दिए ।
नेपालगन्ज उपमहानगरपालिका, त्यसैगरी वडा नम्वर ७,१०, ११ र १२ को आर्थिक सहयोगमा आयोजना गरिएको प्रतियोगितामा एक्सपर्ट एजुकेशन एण्ड भिजा सर्भिसेज मुख्य प्रायोजक र कैलपाल हस्पिटल एण्ड कलेज सह(प्रायोजक रहेको छ ।
नेपालगन्ज ग्यालरीले यस प्रतियोगितालाई अफिसियल सोसल मिडिया पार्टनरको रुपमा सहयोग गर्दैछ ।