जाँड, रक्सी र चुरोट नखान प्रजिअसहित प्रतिबद्ध
प्रकाशित मिति : २०७४, २२ बैशाख शुक्रबार १०:१३
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
Advertisement
जिल्ला स्वास्थ्य कार्यालय रोल्पाको आयोजनामा रोल्पाको लिबाङमा ‘मेरो वर्ष २०७४, म स्वस्थ, मेरो देश स्वस्थ’ अभियान शुभारम्भ कार्यक्रमका सहभागीले दायाँ हात छातीमा तथा बायाँ हात शिरमाथि राखेर ‘म रक्सी, चुरोट र सुर्तीजन्य पदार्थ खान्न, म नियमित व्यायाम गर्छु, म स्वस्थ र पोषिलो खाना खान्छु । म नियमित स्वास्थ्य परीक्षण गराउँछु तथा म मेरो परिवार र समुदायको स्वास्थ्यप्रति सजग रहन्छु’ भनेर प्रतिबद्धता व्यक्त गरेका हुन् । प्रजिअ डा डिजन भट्टराईले एकै साथ सबैलाई प्रतिबद्धता व्यक्त गराउनुभएको थियो ।
कार्यक्रममा जिल्ला स्वास्थ्य कार्यालय रोल्पाका प्रमुख डा भवानीप्रसाद शर्माले सुर्तीजन्य पदार्थको सेवन लत लाग्ने विश्व महामारी तथा घातक पदार्थ भएको बताउनुभयो । उहाँका अनुसार नेपालमा सुर्तीजन्य पदार्थ सेवनका कारण प्रत्येक वर्ष १५ हजारभन्दा बढी मानिसको मृत्यु भइरहेकोे छ ।
डा शर्माका अनुसार विश्वमा नसर्ने रोगका जोखिम तत्वका कारण हुने मृत्यु सुर्तीजन्य पदार्थ सेवनको कारणबाट १० प्रतिशत, शारीरिक अभ्यासको कमीको कारणबाट ६ प्रतिशत, मदिराको हानिकारक सेवनको कारणबाट चार प्रतिशत, उच्चरक्तचापको कारणबाट १८ प्रतिशत, रगतमा चिनी बढी (मधुमेह)को कारणबाट ६ प्रतिशत, मोटोपना वा बढी तौलको कारणबाट पाँच प्रतिशत तथा अस्वस्थ खानाको प्रयोगबाट ५३ लाख र रगतमा चिल्लोपना बढी हुँदा ४४ प्रतिशत रहेको छ ।
यसरी सुर्तीजन्य पदार्थ सेवनका कारण मानिसको फोक्सो, मुख, घाँटी, रगत, पेटको क्यान्सर, मुटुसम्बन्धी रोग, दमखोकी, क्षयरोग, निमोनिया र दीर्घ श्वासप्रश्वास अवरोधसम्बन्धी रोग, मधुमेहको सम्भावना बढाउने, पेटमा घाउ हुने, कपाल झर्ने, श्रवणशक्ति कमजोर हुने, आँखाको दृष्टिशक्ति कमजोर हुने, छाला चाउरी पर्ने र नङ पहेँलो हुने, दाँत, गिजा बिग्रने तथा हाड कमजोर हुने गरेको उहाँले बताउनुभयो ।
उहाँका अनुसार सुर्तीजन्य पदार्थ सेवनका कारण यस्ले फोक्सोलाई डढाउँछ तथा रोगी बनाउ‘छ । सुर्तीजन्य पदार्थ सेवन रोक्न सकिने मानव मृत्युको कारण भएको डा शर्माको भनाइ छ । यो गरिबी, अशक्तता, रोग र मृत्युका लागि मन्द विष भएको उहाँले बताउनुभयो ।
“सुर्तीजन्य पदार्थको सेवन लत लाग्ने विश्व महामारी हो । यसमा पाइने निकोटिनले मानिसको मस्तिष्कमा असर गरी लत बसाउने गर्दछ र तलतल लगाउँछ”, उहाँले भन्नुभयो ।
नेपालका ४८.१ पुरुष र १४.१ प्रतिशत महिलाले सुर्तीजन्य पदार्थको सेवन गर्ने गरेको उहाँको भनाइ छ । तर पनि धुम्रपानमा चार हजारभन्दा बढी प्रकारका रासायनिक पदार्थ हुन्छन् । यसतर्फ कसैको ध्यान जान सकिरहेको छैन ।
यस्तै, कार्यक्रममा जिल्ला स्वास्थ्य कार्यालय रोल्पाका जनस्वास्थ्य अधिकृत हेमराज पाण्डेले सहभागीलाई सुर्तीजन्य पदार्थ सेवन नगर्ने, मदिरा सेवन नगर्ने, नियमित व्यायाम गर्न, स्वस्थ र पोषिलो खाना खान, नियमित स्वास्थ्य परीक्षण गराउने तथा आफ्नो परिवार र समुदायको स्वास्थ्यका लागि सदैव सजग र प्रतिबद्ध हुने लगायतका सुझाव दिनुभएको छ ।
जुनसुकै मात्रामा रक्सी सेवन गरेपनि यसले स्वास्थ्यलाई कुनै किसिमको फाइदा नगर्ने उहाँले बताउनुभयो । रक्सी पिउँदा स्वास्थ्यलाई बेफाइदा त हुन्छ नै, साथै खर्च पनि बढ्ने भएको हुँदा यो कुलतबाट बच्न सबैलाई उहाँको सुझाव छ ।
कार्यक्रममा प्रजिअ डा भट्टराईले अस्वस्थ जीवन शैलीमा परिवर्तन नहुँदा भयावह अवस्था आउन सक्ने भएको हुँदा आजैदेखि यदी कोही कसैमा माथि उल्लिखित कुराको लत लागेको भए छाड्नुपर्ने सुझाव दिनुभयो । उहाँले अभियानले रातारात परिवर्तन नहुने भएको हुँदा बिस्तारै सबै लाग्नुपर्नेमा जोड दिनुभयो । रोल्पा जिल्लामा भर्खरै मात्र सुरु हुन लागेको यो अभियानको प्रशंसा गर्दै सबै जिल्लावासीको साथ र सहयोग रहेमा यो अभियान सफल पार्न सकिने उहाँको भनाइ छ ।
यस्तै, कार्यक्रमका एक सहभागीले आफ्नो नाम उल्लेख नगर्ने सर्तमा एकातिर विभिन्न किसिमका मादकपदार्थ निर्माण गर्नका लागि फ्याक्ट्री खुलिरहने र अर्काेतिर न्यूनीकरणको प्रयास थाल्ने राज्यको दोहोरो नीति भएको गुनासो गर्नुभयो ।
जिल्ला स्वास्थ्य कार्यालय, रोल्पाका खाद्य सुरक्षा फोकल पर्सन देवराज तिमिल्सिना र पोषण फाँट प्रमुख वीरेन्द्र हमालले पनि मन्तव्य व्यक्त गर्नुभएको थियो ।