दुई नम्बर प्रदेशको चुनाव सार्न देउवाको प्रस्ताव
प्रकाशित मिति : २०७४, २८ जेष्ठ आईतवार २१:४९
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
नेपालगन्ज । तराई मधेशको माग पूरा गर्न दुई नम्बर प्रदेशको चुनाव सार्न प्रधानमन्त्री शेरबहादुर देउवाको प्रस्तावलाई राष्ट्रिय जनता पार्टी नेपालले अस्वीकार गरेको छ ।
Advertisement
माग पूरा गराउन सरकार प्रतिवद्ध छ तर सो प्रक्रियामा गयो भने असार १४ गतेको चुनाव हुँदैन, त्यसको विकल्प खोज्दै जाँदा दुई नम्बर प्रदेशको चुनाव स्थगित गरी मागहरु पुरा गरेर तेस्रो चरणमा चुनाव गराउँदा के हुन्छ भनि प्रधानमन्त्री देउवाको प्रस्तावमा राजपाका नेताहरुले चुनाव सारेर होस् वा नसारेर होस् आफूहरुको माग पूरा हुनुपर्ने कुरामा जोड दिएको बताइएको छ ।
यद्यपी चुनावको मिति सारेर आफूहरुको माग पूरा गर्न चाहेको हो भने दुई नम्बर प्रदेशका ८ वटा जिल्ला मात्र होइन, २५ वटा जिल्लाका चुनाव सार्नुपर्ने कुरा राखेको राजपा नेपालका अध्यक्ष मण्डलका सदस्य अनिल कुमार झाले जानकारी गराए ।
उनले भने, ‘हाम्रो प्रस्ताव चुनाव सार्ने होइन, यदि सरकारले चुनाव सारेर मधेशी दलको माग पूरा गर्न चाहेका छन् भने ८ जिल्ला मात्र होइन, २५ वटा जिल्लाको चुनाव सार्नुपर्छ ।’
दोस्रो चरणमा बाँकी चार प्रदेशका ४१ जिल्लामा निर्वाचन हुँदैछ । राजपाले मधेशी, थरुवान, लिम्बुवान जिल्लाका चुनावहरु पनि सार्नका लागि गरेको प्रस्ताव प्रधानमन्त्री शेरबहादुर देउवाले अस्वीकार गरेका छन् ।
पत्रकार सम्मेलनमा राजपा नेपाल अध्यक्ष मण्डलका सदस्य राजेन्द्र महतोसँग चुनाव सार्ने विषयमा जिज्ञासा राख्दा उनले आफूहरुले चुनाव सार्ने प्रस्ताव नगरेको बताएका थिए ।