कोहलपुर:नेपाल रेडक्रस सोसाइटी जिल्ला शाखा बाँकेको स्वर्ण जयन्ती तथा विश्व रक्तदाता दिवसको अवसरमा आज कोहलपुरमा बृहत रक्तदान कार्यक्रम आयोजना गरीएको छ । नेपाल रेडक्रस सोसाइटी उपशाखा कोहलपुरको आयोजनामा रक्तदान कार्यक्रम आयोजना गरीएको हो । कार्यक्रमका प्रमुख अतिथी जिल्ला रेडक्रस सोसाइटी बाँकेका अध्यक्ष गोवर्दन सिंह सम्झनाले रगत अभावबाट कसैको पनि ज्यान नजाओस भन्नका लागी पनि रडेक्रसले निरन्तर रुपमा रक्तदान कार्यक्रम सञ्चालन गरीरहेको बताउनुभयो । अध्यक्ष सम्झनाले गर्मी मौसममा अझ बढी रगत अभाव हुने भएकोले पनि सवैले रक्तदान जिवनदान हो भनी रक्तदान गर्नु आग्रह गर्नुभयो । कोहलपुर उपशाखा अध्यक्ष नारायण प्रसाद गौडेलको सभापतित्वमा भएको रक्तदान कार्यक्रममा रेडक्रसकर्मी, समाजसेवी, सुरक्षाकर्मी लगायतले रक्रदान गर्नुभएको थियो । कार्यक्रमा ५० जनाले रक्तदान गरेका छन् ।

Advertisement