नेपालगंज:नेपाली कांग्रेस बाँकेको पार्टी कार्यालयमा अनशन बसेका असन्तुष्ट नेता कार्यकर्ताले आज अनशन तोडेका छन् । स्थानीय तह निर्वाचनको टिकट वितरण प्रक्रिया प्रति असन्तुष्टि जनाउँदै गत जेष्ठ २६ गतेदेखि रिले अनशन बसेका नेता कार्यकर्ताले आज अनशन तोडेका हुन् । पार्टी सभापति किरण कोइरालाले उनीहरुलाई जुस खुवाएर अनशन तोडाउनुभएको हो । टिकट वितरण प्रक्रियाप्रति आफूहरुको असन्तुष्टि कायमै रहेपनि निर्वाचन नजिकिएको अवस्थामा पार्टीलाई जिताउनुपर्ने दायित्वबोधका साथ आफूहरुले स्वःस्फूर्त अनशन तोडेको उनीहरुले बताएका छन् । क्षेत्र नम्बर ३ को टिकट वितरण प्रक्रियाप्रति उनीहरुले असन्तुष्टि जनाएका हुन् । क्षेत्रीय सचिव जलिल ढपाली, राजु थापा, भैरवसिंह ढकाल, विशाल कर्माचार्य लगायत अनशन बस्नु भएको थियो ।

Advertisement