नेपालगञ्ज: नेपाली काँग्रेसबाट बैजनाथ गाउपालिकाको प्रमुख पदका उम्मेदवार देव बहादुर के सी र उपप्रमुख भावना चौधरीले स्थानिय समस्यालाइ प्राथमिकता दिने प्रतिबद्धता जनाएका छन् । यहि असार १४ गते हुने स्थानीय तहको दोस्रो चरणको निर्वाचनका लागि आफ्नो एजेण्डासहित चुनावी प्रचार प्रसारमा लागेको उम्मेदवारले स्वीकारेका छन् । मतदातामाझ पुगेका उम्मेदवारले जनताको अपेक्षा अनुरुपका कार्यहरु प्रतिवद्धता व्यक्त गरेका हुन् । पहिलो चरणको घरदैलो अभियान अन्तरगत वडा नम्बर १ देखि आज ७ सम्म पुगेका प्रमुख सहितका उम्मेदवारले विहानै देखी ७ नम्बर वडाको पेडारी गाउँमा घरदैलो अभियान जारी राखेका छन् । सुकुम्बासी समस्या, मानखोला तटबन्ध समस्यालाई समाधानका लागि पहल गर्न , विभीन्न जातजातिको कला संस्कृतिलाई संरक्षण गर्न, होम स्टेलाई प्राथमिकता दिन मतदाताहरुले आग्रह गरेको बैजनाथ गाउँपालिकाका प्रमुख पदका उम्मेदवार देव बहादुर खत्रीले जानकारी दिनुभयो।

Advertisement