नेपालगञ्ज: बाँकेको बैजनाथ गाउँपालिका कांग्रेसमय बनेको छ । पछिल्लो समय दिनहुँ एमालेका कार्यकर्ता नेपाली कांग्रेसमा प्रबेश गरिरहेका छन् । आज प्रचारप्रसारको अन्तिम दिन पनि बैजनाथ गाउँपालिका वडा नम्बर ८ का नेकपा एमालेका पूर्व अध्यक्ष सहित ४५ जना नेपाली काँग्रेसमा प्रवेश गरेका छन् । वडा नम्बर ८ का एमाले पूर्व वडा अध्यक्ष बसन्त थारुको नेतृत्वमा ४५ जना कांग्रेसमा प्रबेश गरेका हुन् । उनीहरुलाई वडा नम्बर ८ का कांग्रेस उम्मेदवार भगन थारु, नेपाली कांग्रेस क्षेत्र नम्बर ४ का क्षेत्रीय सदस्य भुपेन्द्र बस्नेत र टिटिहिरियाका वडा इकाई सभापति देबीराम अधिकारीले कांग्रेसमा प्रबेश गराउनुभएको हो । यसअघि पनि एमालेका सयौं कार्यकर्ता कांग्रेसमा प्रबेश गरेका थिए ।

Advertisement