नेपालगन्ज:नेपालगन्ज उपमहानगरपालिका वडा नं. १ मा नेकपा एमालेका उम्मेदवार विजयी भएका छन् । एमालेका उम्मेदवार प्रमोद रिजाल अध्यक्ष चुनिएका हुन् । रिजालले ८ सय १८ मत प्राप्त गरेका छन् । गैरसरकारी संस्था महासंघ बाँकेको निवर्तमान अध्यक्ष रिजालले अध्यक्षमा चुनाव लड्ने भएपछि महासंघबाट राजिनामा दिएका थिए । रिजालसहित एमालेका २ सदस्य निर्वाचित भएका छन् भने २ सदस्यमा नेपाली कांग्रेसका उम्मेदवार विजयी भएका छन् । अधिवक्ता समेत रहेका रिजाल स्थानीय तहबारे जानकार मानिन्छन् । रिजाललाई २०५४ सालदेखि २०५९ सालसम्म तत्कालिन मेयर डा. धवल शम्शेर राणाको सल्लाहकारका रुपमा नेपालगन्ज नगरपालिकामा काम गरेको अनुभव पनि छ ।

Advertisement