राधा आचार्य, (पिपिरी) कोहलपुर । कोहलपुर नगरपालिकामा मतगणना भईरहदा पछिल्लो वडाहरुमा कांग्रेस बिजयी बन्दै गइरहेको छ ।नगरपालिकाको वडा नम्बर १० बाट कांग्रेसका निरज चलाउने अध्यक्ष पदमा बिजयी बनेका छन् ।त्यस्तै वडा नम्बर ७ बाट कांग्रेसका दिपक जंग शाह अध्यक्षमा बिजयी बिजयी बनेका छन् भने कोहलपुर नगरपालिकाकै वडा ९ बाट अध्यक्ष्मा कांग्रेसकै ठाकुर प्रसाद थारु सहित प्यानल नै विजयी बनेको छ ।अहिले सम्म को वडाहरु मतगणना भईसक्दा कांग्रेस बाट मेयर लडेका भानुभक्त भट्टराई एमाले भन्दा ८६ मतले अगाडी देखिन्छन । भट्टराईको ८३०४ रहेको छ भने एमालेका लुट बहादुर रावतको ८२१८ मत रहेको छ ।त्यस्तै उपमेयरमा भने नेपालि कांग्रेसकी संजु चौधरी उनकी प्रतिद्वन्दी भन्दा ८०५ मतले अगाडी रहेकी छिन । कांग्रेसकी चौधरीको ९३९६ मत रहदा एमालेकी उपमेयर उम्मेदवारको ८५९१ रहेको छ ।कांग्रेसका भट्टराई ८६ मतले अघि हुदा मेयर जित्नको लागि मतगणना हुन बाकी रहेको वडा नम्बर ८ले अन्तिम निर्धारण गर्नेछ ।वडा नम्बर ८ बाट कांग्रेसका पूर्ण प्रसाद आचार्य अध्यक्ष पदमा भिडेका छन् ।उपमेयर संजु चौधरी भने जितको पक्कापक्की भईसकेको छ ।

Advertisement