नेपालगंज: औषधि व्यवस्था विभाग नेपालगन्ज कार्यालयले आज बाँके जिल्ला अदालतमा तिनजनाविरुद्ध मुद्धा दायर गरेको छ । साउन १४ गते जमुनाह नाका हुँदै भारतबाट अवैद रुपमा भित्र्याउँदै गरेको औषधि सहित पक्राउ परेका तिन जना विरुद्ध मुद्धा दायर गरिएको हो । दैलेखका खगेन्द्र शाहि, हरिकला शाहि र लोकेन्द्र शाहिलाई विभागले ३४ प्कारका ३ कार्टुन औषधि बरामद गरेको थियो ।

Advertisement

पक्राउ परेको १३ दिनसम्म अनुसन्धानपछि उनीहरुलाई आज जिल्ला अदालतमा अवैद्य औषधि ओसारपसार ऐनको दफा ९ र १० बमोजिम मुद्धा दायर गरिएको हो । विभागका अनुसन्धान अधिकृत प्रविण तिमील्सेनाका अनुसार उनीहरुले दैलेखमा अवैद्य रुपमा औषधि पसल पनि सन्चालन गरेको पाइएको छ । यस घटनापछि अन्य औषधि पसहरु पनि अवैद्य रुपमा सन्चालनमा रहेको आशंकामा नेपाल प्रहरी र स्थानिय प्रशासनको समन्वयमा निगरानी बढाइएको विभाग प्रमुख निनु श्रेष्ठले जानकारी दिनुभयो ।