टुकीको भरमा रात बिताउँछन् कुमाल बस्तीमा
प्रकाशित मिति : २०७४, १२ मंसिर मंगलवार ०८:४५
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
पाल्पा, १२ मंसिर : पाल्पा बगनासकाली गाउँपालिका–१, घोरबन्दाका कुमाल बस्तीका बासिन्दा अझै टुकीको भरमा रात बिताउन बाध्य छन् ।
Advertisement
घोरबन्दाकी ज्ञानीसरा कुमालले पोल टाढा रहेकाले २०० मिटर तार ल्याउन, विद्युत्का सामान, विद्युत्को वाइरिङका लागि खर्च जुटाउन नसक्दा घरमा बिजुली बाल्न नसकेको बताउनुभयो ।
“अरुको घरमा बिजुली बलेको हेर्छु । तानसेनमा बल्छ, आफ्नो घरमा यो जुनीमा बिजुली नबल्ने नै भयो, अर्को जुनीमा बिजुली बल्ला”, कुमालले गुनासो पोख्नुभयो ।
सदरमुकाम तानसेनसँग जोडिएको यो बस्ती रहे पनि आर्थिकरुपमा विपन्न भएकाले माछा मारेर उनीहरुले जीविकोपार्जन गर्नुपर्ने बाध्यता छ ।
श्रीमान् बिरामीले ग्रस्त बनेको ज्ञानीसराका दुई छोरा, एक छोरी, श्रीमान्–श्रीमती गरी पाँचजनाको परिवारको लालनपालन र शिक्षादीक्षाका लागि खर्च जुटाउन समस्या भएको छ ।
पाल्पालाई टुकीरहित बनाउने
यसैगरी नेपाली काँग्रेसका केन्द्रीय सदस्य हरिप्रसाद नेपालले सात वर्षभित्र पाल्पालाई टुकीरहित बनाउने बताउनुभएको छ ।
चुनावी सभामा उहाँले संविधान निर्माणका लागि जनताले दिएको अभिभारा आफूले पूरा गरेकाले यसपालिको निर्वाचनमा आफूलाई जिताउने बताउनुभयो उहाँले युवालाई गाउँ बस्तीमा स्वरोजगार बनाउने योजना रहेको बताउनुभयो ।
चुनावी सभामा पार्टीका पूर्व केन्द्रीय सदस्य राजनप्रसाद पन्तले कृषि पशुपालन वनजन्य उद्योगबाट युवालाई स्वरोजगार र आर्थिक समृद्धि बनाउने कार्यमा नेपाली काँग्रेसको नेतृत्वबिना सम्भव नभएको बताउनुभयो ।