‘पश्चिम बाँकेको मुहार फेर्न हामीलाई जिताउनुहोस्’
प्रकाशित मिति : २०७४, १२ मंसिर मंगलवार १७:४५
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
नेपालगञ्ज, १२ मंसिर ।
Advertisement
बाँकेमा लोकतान्त्रिक गठबन्धनका उम्मेदवारहरुले विकास र समृद्धिका लागि आफूहरुको विकल्प नभएको बताएका छन् । मंगलबार क्षेत्र नम्बर ३ अन्तर्गत् सीतापुरको एलगाउँमा आयोजित चुनावी सभालाई सम्बोधन गर्दैै उनीहरुले एकदलीय तानाशाही व्यवस्था लागू गरेर देशलाई कंगाल बनाउनेहरु विरुद्ध आफूहरुको उम्मेदवारी भएको बताएका हुन् ।
लोकतन्त्रको नाम भजाएर जनतालाई झुक्याउने र साम्यबाद ल्याउने दिवा स्वप्न देख्नेहरुसित सजक रहन लोकतान्त्रिक गठबन्धनका उम्मेदवाहरुले आग्रह गरेका छन् । पश्चिम बाँकेको मुहार फेर्न आफूहरुको उम्मेदवारी भएको बताउँदै उनीहरुले जनताको साथ पाए कायापलट गरेर देखाइदिने बताए ।
सभालाई प्रतिनिधि सभा ३ का उम्मेदवार बादशाह कुर्मी, प्रदेश सभा ३ ख का उम्मेदवार लक्ष्मीनारायण शाह लगायत कांग्रेस र राप्रपाका नेताहरुले सम्बोधन गरेका थिए ।
नेपालगञ्ज, १२ मंसिर ।
मंसिर २१ गते हुने दोस्रो चरणको निर्वाचन आउन ९ दिन मात्र बाँकि रहँदा बाँकेमा उम्मेदवारहरुको बढ्दो घरदैलो र चुनावी सभाले रौनक बढाएको छ । निर्वाचनको मिति संघारमै आउँदा लोकतान्त्रिक गठबन्धनका उम्मेदवारहरुको घरदैलो र चुनावी सभा तिब्र बन्दै गएको छ ।
लोकतान्त्रिक गठबन्धनका प्रतिनिधिसभा क्षेत्र नम्बर १ का उम्मेदवार माधवराम खत्री र प्रदेश सभा १ ख का उम्मेदवार नारायण गौडेलले आज दिनभर (मंगलबार) कोहलपुर नगरपालिका वडा नम्बर १० एकतानगरमा घरदैलो गरेको प्रचारप्रसार सचिवालय संयोजक भूम भण्डारीले जानकारी दिनुभयो । प्रदेशसभा १ क का उम्मेदवार शरदचन्द्र बर्माले राप्तीसोनारी गाउँपालिकाको वडा नम्वर ७ फत्तेपुरमा घरदैलो गरेको बताउनुभयो ।
प्रतिनिधिसभा क्षेत्र नम्बर २ का उम्मेदवार ओमप्रकाश आजादसंगै डुडुवा गाउँपालिका वडा नम्बर २ का विभिन्न गाउँहरुमा घरदैलो गरेको प्रदेश सभा २ क का उम्मेदवार निरन्जनसिंह सिंजापतिले जानकारी दिनुभयो । प्रदेशसभा २ ख का उम्मेदवार सुरेन्द्र हमालले बसपार्क क्षेत्र, गणेशपुरमा घरदैलो र नेपालगञ्जको वडा नम्बर ३ र ११ को सम्पर्क कार्यालय उद्घाटन गरेको प्रचारप्रसार संयोजक सुनिलसिंह हमालले बताउनुभयो ।
प्रतिनिधिसभा क्षेत्र नम्बर ३ का उम्मेदवार बादशाह कुर्मी र प्रदेशसभा ३ ख का उम्मेदवार लक्ष्मीनारायण शाहले आज (मंगलबार) राधापुरमा घरदैलो र सीतापुरको एल गाउँमा कोणसभा गरेको प्रचारप्रसार सचिवालय संयोजक रमेश सिंजालीले बताउनुभयो । प्रदेशसभा ३ क का उम्मेदवार चन्तराम थारुले बैजानाथ गाउँपालिका वडा नम्बर ७ पेडारीमा घरदैलो गरेको प्रचारप्रसार संयोजक प्रकाश शाहीले जानकारी दिनुभयो ।