नेपालगञ्ज, पुष २६ । जिल्ला प्रहरी कार्यालय बाँकेमा घरेलु हिंसाका उजुरी दर्ता बढेको छ । पारिवारिक विवाद, असमझदारी र घरेलु हिंसामा उजुरी दर्ता हुने सिलसिला बढ्ने क्रममा रहेको कार्यालयका प्रहरी सहायक निरिक्षक श्याम कुमारी मगरले बताउनुभयो ।

Advertisement

जिल्ला प्रहरी कार्यालय बाँकेमा आर्थिक वर्ष २०७२÷०७३ मा ३२८, २०७३÷०७४ मा ३९७ र पछिल्लो आर्थिक वर्षको ५ महिनामै १२६ वटा महिला सम्बन्धि उजुरी दर्ता भएको छ ।

त्यस्तै, महिला तथा बालबालिका हराएको विषयमा उजुरीको सङ्ख्या आर्थिक वर्ष ०७२÷०७३ मा ३०५, २०७३÷०७४ मा ३५३ र पछिल्लो आर्थिक वर्षको ५ महिनामा १०८ छ ।