मतभेदलाई बिर्सेर देशको सर्वाङ्गीण हितमा संलग्न होऔँ: कांग्रेस सभापति देउवा
प्रकाशित मिति : २०७६, २१ आश्विन मंगलवार ०६:३१
तपाईको प्रतिक्रिया
प्रकाशित मिति : २०७६, २१ आश्विन मंगलवार ०६:३१
सम्पर्क ठेगाना
संस्कृति मिडिया नेटवर्क प्रा.लि.
नेपालगन्ज उपमनपा-१०,बाँके
५ नं. प्रदेश, नेपाल
फोन 9851148119
प्रकाशक : गौरब गिरी
सम्पादक : नवीन गिरी
दर्ता नं. : १३०५/०७५-७६
भ्याट नम्बर : 606861069
Advertisement
विजया दशमी नेपालीहरुको धार्मिक र सांस्कृतिक पर्व रहेको उल्लेख गर्दै देउवाले अन्यायमाथि न्यायको तथा असत्यमाथि सत्यको विजयको शाश्वत सन्देश दिने यो पर्वलाई नेपाली समाजले हरेक वर्ष पारिवारिक स्नेह, सामाजिक सद्भाव, आपसी सहयोग र पारस्परिक एकताको रुपमा मनाउँदै आएको स्मरण गरेका छन्।
‘नेपाल बहुजातीय, बहुधार्मिक, बहुसांस्कृतिक, बहुभाषिक राष्ट्र हो, मौलिक भेषभूषा सहितका यिनै विविधता हाम्रो राष्ट्रिय पहिचान बनेका छन्, हामीमा निहित बन्धुत्व भावले विविधता बीचमा पनि अनुपम एकता कायम गरेको छ, विविधता बीचको एकता नेपालीको विशेषताको रुपमा परिचायक पनि हो, विजया दशमीले हामी बीचको एकतालाई अझ मजबूत बनाएको छ,’ देउवाले सन्देशमा भनेका छन्।
नेपाली कांग्रेसको नेतृत्वमा तीनै तहको निर्वाचन सम्पन्न भई मुलुकले संघीय समावेशी लोकतान्त्रिक गणतन्त्रतात्मक नेपालको बलियो जग खडा गरिसकेको सभापति देउवाले बताएका छन्।
लोकतान्त्रिक गणतन्त्र नेपालको संविधानलाई कृयाशील र संस्थागत गर्न सकेमा मात्र मुलुकलाई एक समृद्ध राष्ट्रमा रुपान्तरण गर्न सक्ने देउवाको धारणा छ।
‘संसारभरि शान्तिको सन्देश फैलाउने देशको रुपमा नेपाललाई चिनिन्छ, एकता, मेलमिलाप र सद्भावका रुपमा मनाइने विजया दशमी पर्वले हामी बीचमा केही मतभेदहरु छन् भने तिनीहरुलाई विर्सेर, देशको सर्वांगीण हितमा संलग्न हुने पर्वको रुपमा ग्रहण गर्न सके यसको महत्त्व अझ बढ्नेछ,’ देउवाले भनेका छन्।
विजया दशमीले मुलुकमा संघीय लोकतान्त्रिक गणतन्त्रात्मक शासन व्यवस्थाको संस्थागत स्थायित्व कायम गरी मुलुकलाई आर्थिक समृद्धिको मार्गमा अग्रसर बनाउन सबैलाई प्रेरणा प्रदान गर्ने विश्वास उनले लिएका छन्।
देउवाले नेपाली कांग्रेसको तर्फबाट स्वदेश तथा विदेशमा रहेका सम्पूर्ण नेपाली दाजुभाइ तथा दिदीबहिनीहरुमा सदा सुख, शान्ति र समृद्धिको हार्दिक शुभकामना व्यक्त गरेका छन्।