कोहलपुर, ५ माघ । चिकित्सकको लापरवाहीले सुत्केरीको मृत्यु भएको भन्दै आक्रोशित भएका आफन्त तथा स्थानीयहरुले आज नेपालगन्ज शिक्षण अस्पताल कोहलपुरमा तोडफोड गरेका छन् ।

Advertisement

दुई दिन अघि अस्पतालमा सुत्केरी हुुनुभएकी कोहलपुर नगरपालिका–५ रझेनाका २१ बर्षीया सीता शाहीको चिकित्सकको लापरवाहीले मृत्यु भएको भन्दै आफन्त र रझेनाका स्थानीयहरुले प्रदर्शन गर्नुका साथै अस्पतालमा तोडफोड गरेका हुन् ।

प्रदर्शनकारीहरुले ढुंगामुढा गर्दा अस्पतालको प्रशासन शाखाका सिसाहरु फुटेका छन् भने कुर्सी टेवुल भाँचिएका छन् ।