नरैनापुर, माघ १७ । बाँकेको लक्ष्मणपुरमा पाँच दिनदेखि जारी धार्मिक, सांस्कृतिक एवम् व्यापारिक मेलामा पाँचौ दिन आज बुधबार हजारौं मानिसहरु सहभागी भएका छन् ।

Advertisement

धार्मिक प्रबचनदेखि कवाली गायनसंगै व्यापारिक किनमेल हुने मेलामा पाँचौ दिन ४० हजार मानिसले मेला हेरेको नरैनापुर गाउँपालिकाका अध्यक्ष इस्तियाक अहमद साहले बताए ।

कवाली, सर्कस, जादु र विभिन्न मनोरञ्जनात्मक खेलसंगै किनमेलका लागि मानिसहरु भारतका बहराइच, लखनऊ, मुम्बई, राजस्थान, श्रावस्ती लगायतका ठाउँबाट आउने गरेको साहले जानकारी दिए । २० गतेसम्म चल्ने मेलामा ४ दिन भण्डाराको समेत व्यवस्था गरिएको छ ।

१८ बर्षसम्म पहाडमा तपस्या गरेर बसेका तत्कालीन धर्मगुरु खलिफा नुर अहमद साहको सम्झनामा सन् १८५७ देखि हरेक बर्ष बसन्त पञ्चमीपछि १० दिनसम्म मेला लाग्दै आएको छ ।