नेपालगञ्ज, फागनु १५ । नेपालगन्ज उपमहानगरपालिका वडा नम्वर १ ले आजदेखि ब्याडमिन्टन प्रतियोगितासंगै अन्य विभिन्न खेलकुद गतिविधिहरुको आयोजना गरेको छ ।

Advertisement

स्वास्थ्यका लागि खेलकुद भन्ने नाराका साथ होली पर्वका अवसरमा कुर्ची दौड, घैंटो फोड, भाले जित र व्याटमिन्टन प्रतियोगिता आयोजना गरिएको वडा अध्यक्ष प्रमोद रिजालले जानकारी दिनुभयो ।

धम्वोजी क्लव नेपालगन्जको सहकार्यमा तीन दिनसम्म चल्ने प्रतियोगिताको उपमेयर उमा थापा मगर र वडा नम्बर १ का जेष्ठ नागरिक तथा खेलाडी बलराम शाहले ब्याड्मिन्टन खेलेर उद्घाटन गर्नुभएको थियो ।

उद्घाटनपछि बोल्दै उपमेयर थापाले स्वस्थ जीवनका लागि नियमित शारिरिक ब्यायाम र खेलकुद आवश्यक रहेको बताउनुभयो ।