Advertisement

नेपालगञ्ज, २४ जेठ  । आन्तरिक राजश्व कार्यालय नेपालगञ्ज लक्ष्य नजिक पुगेको छ । आर्थिक बर्ष २०७४÷७५ का लागि ३ अर्ब ३२ करोड १० लाख ७७ हजार लक्ष्य प्राप्त गरेको आन्तरिक राजश्व कार्यालय नेपालगञ्जले बैशाख मसान्तसम्म लक्ष्यको ८४ प्रतिशत राजश्व संकलन गरिसकेको छ । बैशाख मसान्तसम्म २ अर्ब ७८ करोड ९१ लाख ७१ हजार रुपैयाँ राजश्व संकलन भइसकेको आन्तरिक राजश्व कार्यालय नेपालगञ्जका कार्यालय प्रमुख प्रमुख कर अधिकृत जनकराज शर्माले बताउनुभयो । आन्तरिक राजश्व कार्यालयले अब लक्ष्य प्राप्तिका लागि जेठ र असारमा कुल ५३ करोड १९ लाख ६ हजार रुपैयाँ असुल गर्न बाँकि रहेको छ । चालू आर्थिक बर्षको अन्त्य सम्ममा लक्ष्य भन्दा बढी राजश्व असुली हुने कार्यालय प्रमुख शर्माले बताउनुभयो ।