रुकुम पश्चिम,७ असार । रुकुम पश्चिममा भाइको हत्या गरेर दाइ प्रहरी कार्यालय पुगेर आत्मसमर्पण गरेका छन् । आठबीसकोट नगरपालिका–१२, ठूलीबार्खुका ३४ वर्षीय भाइ इन्द्रे पुनको हत्या गरेर ५२ वर्षीय दाइ रुद्रे पुनले जिल्ला प्रहरी कार्यालय पुगेर आत्मसमर्पण गरेका हुन् ।अंशवण्डाको विषयमा विवाद बढ्दै जाँदा बुधबार राति चिर्पटले रुद्रेले भाइ इन्द्रेको हत्या गरेका हुन् । अदालतमा परेको मुद्दामा छलफलका लागि जिल्ला सदरमुकाम आएका उनीहरु बुधबारै विवाद घरमै मिलाउने भन्दै मग्मा स्थित मामाघरमा बास बसेका थिए ।तर, बिहीबार रुद्रे भाइको ज्यान गएको भन्दै प्रहरी कार्यालयमा पुगेका हुन् । उनीविरुद्ध कर्तव्य ज्यान अन्तर्गत मुद्दा दर्ता गर्ने तयारी प्रहरीले जनाएको छ ।

Advertisement