नेपालगन्ज, १७ असार (एजेन्सी) । विश्वकप फुटबलअन्तर्गत प्रिक्वाटरफाइनलमा आयोजक राष्ट्र रसियाविरुद्ध स्पेनले सुरुवाती अग्रता बनाएको छ । मस्कोस्थित लुजनिकी रंगशालामा सुरु भएको १२औं मिनेटमा रसियाले आत्मघाति गोल गरेपछि स्पेनले १–० गोलको अग्रता बनाएको हो ।

Advertisement

खेलको १२ औं मिनेटमा स्पेनले प्रहार गरेको रसियाका इग्नाशेभिकले बल रोक्ने क्रममा गोल हुन पुगेको थियो । सुरुवाती समयदेखि नै स्पेनले आक्रमक खेल खेलिरहेको छ ।

स्पेन रसियाभन्दा बलियो टिम हो । तर, स्पेनलाई त्यति सजिलो भने छैन । विश्वचर्चित खेलाडीले भरिभराउँ भएको टिम हो स्पेन । सर्जियो रामोस, डिएगो कोष्टा, आन्ड्रेस इनिएस्टा, डेभिड सिल्भा, जेरार्ड पिके, इस्को जस्ता स्टार खेलाडी स्पेनमा रहेका छन् । यता, रसियामा भने कुनै चर्चित खेलाडी छैन । यद्यपी टिम निकै सन्तुलित रहेको छ ।