नेपालगन्ज, १७ असार (एजेन्सी) । रसियामा जारी आयोजक राष्ट्र रसिया र स्पेनबीचको खेल ‘एक्स्ट्रा टाइम’मा पुगेको छ। निर्धारित समयमा दुबै टोली १-१ गोलको बराबरीमा भएपछि खेल थप ३० मिनेटको अतिरिक्त समयमा पुगेको हो।

Advertisement

इन्जुरी टाइमको समयसहित खेलमा पहिलो अग्रता स्पेनले १२ औं मिनेटमा आत्मघाती गोलबाट अग्रता लिएको थियो। रसियाका सर्गी इग्नासेभिचले १२ औं मिनेटमा स्पेनले गरेको फ्रिकिकबाट आएको बललाई बल क्लियर गर्न खोज्दा आत्मघाती गोल भएको हो।

आत्मघाती गोलबाट पछि परेको रसियाले पहिलो हाफमा प्राप्त पेनाल्टीलाई गोलमा परिणत गर्दै स्पेनसँग बराबरी गरेको थियो। रसियाका लागि सो गोल ४१ औं मिनेटमा डिजुबाले गरेका थिए।

रसियाले प्रहार गरेको कर्नर बललाई स्पेनका जेरार्ड फिकले ह्यान्ड गरेपछि रसियाले पेनाल्टी पाएको हो।

अब रसिया र स्पेनले थपिएको ३० मिनेटको अतिरिक्त समयमा पनि बराबरी गरेमा पेनाल्टीबाट क्वाटरफाइनल पुग्ने टोलीको निर्धारण हुनेछ।