स्याङ्जा,२० साउन। नेपाली कांग्रेस स्याङ्जाका सभापति एवम् पूर्व सभासद कमल पंगेनीको निधन भएको छ । स्याङ्जाको बयरघारीस्थित आफ्नै निवासमा उनको निधन भएको हो । हृदयाघातका कारण पंगेनीको निधन भएको  पारिवारिक श्रोतले बताएका छन।

Advertisement

गएराति खाना खाएर सुतेका उनी आइतबार बिहान गम्भीर अवस्थामा फेला परेका थिए । अस्पतालमा पुर्‍याउँदा चिकित्सकले उनलाई मृत घोषणा गरेका थिए ।

उनी २०७० सालको संविधानसभामा स्याङ्जा क्षेत्र नम्बर २ बाट निर्वाचित भएका थिए । श्रद्धान्जलीका लागि उनको शव दिउसो जिल्ला पार्टी कार्यालयमा राखिने कांग्रेसले जनाएको छ ।  पंगेनी २०३५ सालदेखि राजनीतिमा सक्रिया थिए ।उनका श्रीमती, एक छोरा, एक छोरी छन्।