पोखरा,९ भदौ। एक बालिका मृत फेला परेकी छन्। विन्ध्यवासीनी मावि बाटुलेचौरमा कक्षा ६ मा अध्ययनरत १४ बर्षिया पुष्पा केसी मृत फेला परेकी हुन्। बिहीबार विद्यालयबाट फर्किएदेखि हराएकी उनी शुक्रबार साँझ मृत अवस्थामा फेला परेकी प्रहरीले जनाएको छ।

Advertisement

विद्यालयको बसले करिब साढे ४ बजे छाडेपनि उनी घर पुगेकी थिइनन्। बिहीबार साँझबाटै परिवार र स्थानीय र प्रहरीले उनको खोजी तिब्र पारेको थियो।

यसै क्रममा पोखरा १९ फापरतरोमा केसीको सब भेटिएको प्रहरीले जानकारी दिएको छ।

उनको घर पोखरा १९ जिमेरेदेखि करिब साढे दुई किलोमिटर पर शव भेटिएको हो।

उनको झोला भने १९ ढाटमा घरदेखि करिब १ किलोमिटर पर भेटिएको थियो। उनको हत्या भएको हुन सक्ने प्रहरीको अनुमान छ।