सल्यान, ३१ भदौ  । सल्यानमा खोलाले बगाउँदा दुई जना बालबालिकाको मृत्यु भएको छ । दार्मा गाउँपालिका–६ बुर्तिबाङ निवासी पूर्णिमा केसीकी ६ वर्षीया छोरी रेखा केसी र दुई वर्षीय छोरा मोहन केसीको हिजो बेलुका ६ बजे खोलाले बगाउँदा मृत्यु भएको हो । तीज मनाउन रुकुम माइतीबाट घर फर्किँदै गर्दा स्थानीय दार्मा खोलाले तीनै जनालाई बगाए पनि आमा भने बाँच्न सफल भएको इलाका प्रहरी कार्यालय रागेचौरले जनाएको छ । खोलाले बगाएपछि स्थानीय र प्रहरीले खोजी गरेका थिए । दुई वर्षीय बालक मोहनको शव गए राति १० बजे भेटिएको हो भने छोरी रेखाको शव आज बिहान दुई बजे फेला परेको प्रहरीले जनाएको छ ।

Advertisement