पोखरा,१० असोज।कास्की प्रहरीले पुम्दीभुम्दीकी १० वर्षीया बालिका श्रेया बिकको बलात्कारपछि हत्यामा संलग्न भएको आशंकामा प्रहरीले आधा दर्जन बढीलाई पक्राउ गरेको छ।

Advertisement

तीमध्ये तीन जनामा बढी शंका लागेकोमा एक जनाले भने अपराध स्वीकारेको कास्कीका प्रहरी प्रवक्ता रवीन्द्र गुरुङले जानकारी दिए।

यसबारेमा थप जानकारी दिउँसो २ बजे पत्रकार सम्मेलन गराइने उनले बताए।पोखरा महानगरपालिका २२ पुम्दीभुम्दी कोदीकी श्रेया मंगलबार बिहान मृत भेटिएकी थिइन्। उनको बलत्कारपछि हत्या भएको पोष्टमार्टम रिपोर्टले देखाएको छ। पोखरा स्वास्थ्य विज्ञान प्रतिष्ठानमा मंगलबार भएको परीक्षणमा बलत्कारपछि हत्या भएको देखिएको हो।