कालीकोट, ९ पुस। कालीकोट जिल्लाको पलाता गाउँपालिका १ खाडा गाउँमा आइतबार मध्य रातिदेखि भएको आगलागीबाट ठूलो क्षति भएको छ। 

Advertisement

करिब १० बजेदेखि सुरु भएको आगो आज दिउसो १२ बजेमात्र नियन्त्रणमा आएको छ। न्यौपाने बस्तीमा आगलागी हुदा ७८ घर जलिसकेको बताइएको छ । पूरै घर खरको छाना भएको खाडाको न्यौपाने बस्तीमा आगलागी हुँदा ठूलो धनजनको क्षति भएको छ । 

राति सल्किएको आगोले गाउँका सबै घर ध्वस्त भएको खाडागाउँका बासिन्दा शोकमा छन्। मानवीय क्षति नभए पनि उनीहरूका बस्ने बास ध्वस्त भएका छन्, खाद्यान्न नष्ट भएको छ र कतिपयका गोठमा बाँधिएका चौपाया पनि मरेका छन्।आगलागीमा झण्डै ३ करोड बढीको क्षति भएको अनुमान गरिएको छ।