ज्ञानु सङ्गम खड्का/नेपालगन्ज, ५ माघ ।दर्शकको व्यापक सहभागीताले सफल हुँदै गएको नेपालगन्ज महोत्सव २०७५ को दशौ दिन माघ गते युवाहरुको ढुकढुकी बहुचर्चित गायिका मेलिना राई, गायक चक्र बम, गायिका भावना आचार्य, नायका निशा पुरी लगाएत थुप्रै हास्यकलाकारहरु आउने भएका छन।

Advertisement

दर्शकको आग्रहमा आयोजकले उनिहरु लाई नेपालगन्ज ल्याएको हो । प्रचारपसार उप समिति संयोजक सुनिल रेग्मीका अनुसार कार्यक्रम सहभागी हुन उनिहरु शुक्रबार नै नेपालगन्ज आइपुगेका छन् । शनिबार गायिका मेलिना राइले चर्चित गीत कम्मर माथी,कसरी,तिम्ले बाटो फेरेउ अरे, पिरिम नलाउने, कुटुमा कुटु लगाएतका थुप्रै चर्चित गीतहरु प्रस्तुत गर्ने छिन।

त्यस्तै गायक चक्र बमले पनि चर्चित गीतहरु नाछ मेरि झुमा, बिद्या नास, दारु सड्काउन्या लगाएतका थुप्रै गीतेहरु प्रस्तुत गर्ने छन भने गायिका भावना पुरी र नायिका निशा पुरिले पनि आफ्नो प्रतुती राखेर दर्शकहरुलाई मनोरन्जन दिने छन।शनिबार करिब २५ हजार दर्शकले महोत्सवको अबलोकन गर्ने आयोजक ले अपेक्षा लिएको छ ।

त्यस्तै प्रचारप्रसार संयोजक सुनिल रेग्मिका अनुसार नृत्य प्रतियोगिताको सेमिफाइनल लागि शनिबार प्रतियोगिता हुने छ ।  शनिबार १७ प्रतिस्पर्धिले प्रतिस्पर्धा गर्ने छन।
भोलि पनि राष्ट्रिय तथा स्थानिय कलाकारको बेजोड प्रस्तुती रहने महोत्सव माघ ८ गते सम्म सन्चालन हुने आयोजकले जनाएको छ।