नरैनापुर(बाँके), ११ माघ। नरैनापुरमा एक सय बिस क्विंटल हरियो केराऊ सहित दुई ट्याक्टरलाई प्रहरीले पक्राउ गरेको छ।

Advertisement

गए राती ११ बजे भोज भगवानपुरको गस्तीमा गएको प्रहरी टोलीले चेक जाँच गर्दा भारत तर्फ लग्न लागिएको हरियो केराऊ र मसुरो नियन्त्रणमा लिएको हो।

अबैध रूपमा भारत तर्फ लग्न लागिएको २४० बोरा हरियो केराऊ र ४० बोरा मसुरो सहित भे १ त ५०२८ र भे १ त ५५९९ नम्बरका ट्याक्टर सहित दुबै जना चालकलाई भगवानपुर प्रहरीले पक्राउ गरेको हो।

नियन्त्रणमा लिएको केराऊ र मसुरोलाई ५० केजीको बोरा राखीएको भगवानपुरका प्रहरी निरीक्षक बिरेन्द्र बिकले बताउनु भयो।प्रहरीले पक्राउ गरिएको हरियो केराऊ, मसुरो सहित ट्याक्टरलाई भन्सार कार्यालय पठाईसकेको निरीक्षक बिकले बताउनुभयो।नियन्त्रणमा लिईएको केराऊ र मसुरो बजार मूल्य अनुसार ११ लाख रुपैया बराबरको रहेको छ।