नेपालगन्ज।फाल्गुन १४ गते बाट सुरु भएको हिसानकप खेलकुद प्रतियोगिताका बाकिका खेलहरु भोली शुक्रबारबाट पुन: सुचार हुने भएका छन । निजि विद्यालयको संगठन हिसानको आयोजनामा नेपालगन्जमा जारी हिसानकप बुधवार बिहानै बाट अबिरल वर्षा भएपछी आयोजक टिमले प्रतियोगिता स्थगित गरेको थियो ।

Advertisement

मौसममा सुधार आएसङ्गै बाँकी खेलहरु भोली बाट सुरु हुने पाँचौ हिसानकपका संयोजक सुमन गौतमले जानकारी दिनु भयो। दोस्रो चरणका खेलहरु अन्तर्गत भोली शुक्रबार छात्रा र छात्र तर्फ भलिबल, छात्र तर्फ फुटबल र ब्याडमिन्टन खेलहरु हुनेछन । भोली छात्रा तर्फ हुने भलिबल खेलमा डाइनामिक मावी र मोडर्न मावी , त्य्सैगरि गोरखा मावी र जनज्योती मावीबिच प्रतिस्पर्धा हुने संयोजक गौतमले जानकारी दिनुभएको छ । छात्र तर्फको भलिबल खेलमा होलिल्याण्ड मावि र डाइनामिक माविबिच र आदर्श मावी र जिभिएन मावीबिच प्रतिस्पर्धा हुनेछ ।

छात्र तर्फको फुटबल प्रतियोगिता  भोली सम्पन्न हुने हिसानका अध्यक्ष डा.अवनिन्द्र मिश्रले बताउनु भयो । फुटबल अन्तर्गत जिभिएन र मोडर्न , आदर्श र युनाइटेड भिड्नेछन । आयोजकका अनुसार ब्याडमिन्टन खेल पनि भोली सम्पन्न हुनेछ ।