सोम गुरुङ, नेपालगन्ज । नेपालगन्ज उपमहानगरपालिका वडा नं. ८ रानी तलाउ नजिकै रहेको ट्रान्र्सफरमरले गर्दा  हिडडुल गर्ने बटुवाहरु ठूलो जोखिम मोलेर हिडडुल गर्न बाध्य रहेका छन् । सो स्थान नजिक विद्यालय र रानीतलाउ पार्क पनि रहेकोले विद्यार्थी र बालबालिकाहरु सो बाटो गरेर हिडडुल गर्दछन् । पानी परेको समयमा सो ट्रान्र्सफरमरबाट करेन्ट प्रवाह हुने हुदाँ सम्भावित जोखिममा रहेको छ ।

Advertisement

सो प्रति कसैको ध्यान नजादाँ त्यो बाटो गरि हिड्ने बटुवालाई खतरा रहेको स्थानीय नागरिक बताउँछन् । सो ट्रान्र्सफरमर बाटोदेखि करिब २ मिटर माथि मात्र रहेको छ ।  समस्यालाई समाधान गर्न सरोकारवाला निकायको ध्यानाकर्षण गर्नको लागि बिद्युत कार्यालय र नेपालगन्ज उपमहानगरपालिकासंग सूचना माग गरिएको छ । सूचनाको हक सम्बन्धी ऐन, २०६४ तथा नेपालको संविधान २०७२ को धारा २७ दफा ३ अनुसार सो ट्रान्र्सफर्म कहिले सारिने हो ?  कसले कहिले सार्ने हो भनी नेपालगन्ज उपमहानगरपवालिका वडा नं.६ का स्थानीय बासिन्दा लक्ष्मी तिवालीले राष्ट्रिय सूचना आयोग, कोटेश्वर, काठमाण्डौ ,सूचना अधिकार केन्द्र, नेपालगन्ज ,अख्तियार दुरुपयोग अनुसन्धान केन्द्र, सम्पर्क कार्यालय नेपालगजं, बाँकेलाईृ बोधार्थ पत्र पठाई बिद्युत कार्यालय र नेपालगन्ज उपमहानगरपालिकासंग सूचना माग गर्नु भएको छ ।