नेपालगन्ज । नेपाल प्रहरीले बाँकेको नेपालगन्ज उप महानगरपालिका ५ मा मा एक अवैध घरेलु हतियार कारखाना फेला पारेको छ । पाँच नम्बर प्रदेश अनुसन्धान समुह नेपालगन्जबाट खटिएको टोलीले केहीबेरअघि अवैध घरेलु हतियार कारखानामा छापा मारेको हो । नेपालगन्ज ५ डिएसपी रोडमा रहेको जंगविर नेपालीको घरमा छापा मारेर अनुसन्धान समुहले ठूलो मात्रामा घरेलु हतियार बनाउने सामग्रीहरु बरामद गरेको छ । उच्च प्रहरी स्रोतका अनुसार कारखानाबाट विभिन्न हतियारमा प्रयोग हुने लामो नाल १० थान, हतियारमा प्रयोग हुने काठको कुदा ७ थान, सानो एयरगन पेस्तोल १ थान, हतियारमा प्रयोग हुने स्पिङ ३ थान, औजारको बक्स १ थान, आइरन १ थान र हतियारमा प्रयोग हुने साँचोहरु बरामद भएका छन् । अनुसन्धान समुहले आवश्यक कारबाहीका लागि बरामद सामग्रीसहित नेपालीलाई जिल्ला प्रहरी कार्यालय बाँकेको जिम्मा लगाएको छ ।

Advertisement