नेपालगन्ज ।आठौं राष्ट्रिय खेलकुद प्रतियोगिताबारे शुक्रबार नेपालगञ्जमा मिडिया कार्यशाला गरिएको छ । बाँकेमा  हुन लागेको खेल महोत्सवलाई सफल, मर्यादित बनाउन शुक्रबार पत्रकारहरुबीच मिडिया कार्यशाला गरिएको हो । खेल महोत्सवको प्रचार प्रसार, पत्रकारले निर्वाह गर्नुपर्ने भूमिका, आम दर्शकको हुने धारणा, समाचार संकलन लगायतका बिषयमा कार्यशालामा छलफल गरिएको छ ।

Advertisement

कार्यशालमा आठौं राष्ट्रिय खेलकुद प्रतियोगिताको प्रचार प्रसारका निम्ति छुट्याईएको रकमको सदुपयोग गर्ने बारे समेत जानकारी गराएको छ । कार्यशालालाई खेल पत्रकार तथा कान्तिपुरमा कार्यरत पवन आचार्यले सहजीकरण गर्नुभएको थियो । कार्यशालामा आठौं राष्ट्रिय खेलकुद प्रतियोगिताको प्रचार प्रसार समितिका संयाजक रोहित दाहाल, सदस्य टिएस ठकुरी र सचिव कुमार बस्नेतले समेत प्रतियोगिताबारे धारणा राख्नुभएको थियो ।