नेपालगञ्ज।  पौडी खेल नेपालगञ्जको एक होटलमा हुुुन लागेको छ।आठौं राष्ट्रिय खेलकुद प्रतियोगिता अन्तर्गतका पौडी पोखरीको काम नसकिँदा पौडीका सम्पुर्ण स्पर्धाहरु होटलको स्वीमिङ पुलमा हुने भएका छन् । नेपालगञ्जको  रंगशाला परिसरमा निर्माणाधिन आठौं खेलकुदका लागि निर्माण गर्न लागिएको पौडी पोखरी निर्धारित समयमा निर्माण कार्य नहुँदा पौडीका स्पर्धाहरु नेपालगञ्जको एउटा होटलमा सारिएको हो ।

Advertisement

भनेको समयमा पोखरीको काम नसकिँदा पौडीको स्पर्धा नेपालगञ्जको  सिंग्नेट होटलमा रहेको स्वीमिङ पुलमा प्रतिस्पर्धा गर्न लागेकोे आयोजक राष्ट्रिय खेलकुद परिषदले जनाएको छ । आठौं राष्ट्रिय खेलकुद अन्तर्गत पौडीका स्पर्धाहरु आजबाट शुरु हुने खेल तालिका रहेको छ । राष्ट्रिय खेलकुद परिषदका प्रेस सल्लाहकार रोहित दाहालले भने बमोजिम पौडी पोखरीको निर्माण समयमै सम्पन्न नहुदा पौडीका स्पर्धाहरु होटलको स्विमिङमा सार्नु परेको बताए ।

शनिवारनै धम्बोजीस्थित सिंग्नेट होटलमा रहेको स्वीमिङ पुलमा पौडीका प्रतियोगिता गर्ने निर्णय भएसंगै राखेपका प्राविधिक टोलीले निरीक्षण गरेको छ । नेपालगञ्जस्थित रंगशाला नजिकै रहेको पौडी पोखरीको काम शनिवारसम्म पनि नसकिएपछि अन्तिम दिन पौडीको तालिका परिवर्तन गरिएको हो । यसअघि राखेपले जसरी पनि उक्त निर्माणाधिन पौडी पोखरीमा नै पौडीका स्पर्धाहरु हुने जानकारी गराएको थियो ।