नेपालगन्ज । सरकारी कागज कृते अभियोगमा पक्राउ परेका  मालपोत कार्यालयका कर्मचारीहरुको थुनछेक बहस आजबाट बाँके जिल्ला अदालतमा सुरु भएको छ। करिब एक महिना अघि बाँके र बर्दियाका मालपोत कार्यालय ३१ जना कर्मचारी  बिरुद्ध बाँके प्रहरीले मुद्दा दर्ता गरेको थियो। मुद्दा दर्ता पश्चात् २१ जना कर्मचारी पक्राउ परिसकेका छन् ।

Advertisement

आज बिहान १० बजे बाट सुरु भएको थुनछेक बहस साझ ५ बजे सम्म चलेको थियो।  थुनछेक बहसको आदेश भोली आउने भएको सरकारी वकिल निराजन शर्माले बताए।

त्य्स्तै सो मुद्दाका दशजना अभियुक्तहरु फरार रहेका छन् । फरार हुनेमा  नेपाल सरकारका  २ जना उप सचिबहरुमा कृष्ण बहादुर ज्ञवाली र दिर्घ बहादुर  पोखरेल  रहेका छन् ।

अन्य  एक जना खरिदार  तुलानन्द रावत फरार रहेका छन् । अन्य ५ जना अभियुक्तहरु सहित सबैको खोजी कार्य जारी रहेको छ।