दाङ । दाङमा प्रहरी खवर कार्यक्रम प्रशारण हुने भएको छ।समुदाय प्रहरी साझेदारी अबधारणा मार्फत आम नागरिक सम्म नेपाल प्रहरीको पहुँच र प्रहरी सेवालाई सहज रुपमा पुर्‍याउने उदेश्यका लागि उक्त कार्यक्रम प्रशारण गर्न लागिएको हो।

Advertisement

रेडियो स्वर्गद्वारी दाङको सहयोगमा जिल्ला प्रहरी कार्यालय दाङद्वारा संचालित प्रहरी गतिबिधी र जनचेतना मूलक सन्देश समेटिएर निर्माण गरिएको साप्ताहिक रेडियो कार्यक्रम “प्रहरी खवर”  रेडियो स्वर्गद्वारी मार्फत प्रशारण हुन लागेको दाङ प्रहरीले जानकारी दिएको छ।

कार्यक्रम प्रशारणको  लागी आज जिल्ला प्रहरी कार्यालयका  दाङका प्रमुख प्रहरी उपरीक्षक वेल बहादुर पाण्डे र रेडियो स्वर्गद्वारीका प्रबन्धक निर्देशक दधिराम सुवेदी बीच सम्झौता भएको छ ।
साथै उक्त कार्यक्रम प्रत्येक हप्ताको बिहिबार बिहान ७:३० बजे देखी ८:०० बजे सम्म रेडियो स्वर्गद्वारी १०२.८ मेघाहर्ज मार्फत सुन्न सकिने भएको छ।।