धनगढी। कैलालीका एकजना पत्रकारमाथी निर्घात कुटपिट भएको छ।दिनेश संचार गृहमा सहायक सम्पादकमा कार्यरत जनक विष्टमाथि धनगढीका व्यापारी तेजेन्द्र थापाले कुटपिट गरेका हुन्। थापा तत्कालिन एमालेका जिल्ला कमिटी सदस्य हुन्।

Advertisement

धनगढीको मुख्य बजारमा रहेको त्रिनगर माविले भाडामा दिएका सटरको रिर्पोटीङ गर्न गएका विष्टमाथि त्रिनगरकै भवनको सटरमा व्यवसाय गरिरहेका थापाले कुटपिट गरेका हुन्।

थापाले त्रिनगर माविको प्रधानाध्यापकको कार्यकक्षमा तथ्याङक संकलन गरिरहेको बेला विष्टमाथि कुटपिट गरेका हुन्।

सँगै रहेका पत्रकार कैलाश जोशीले विद्यालयका प्रधानाध्यापकसँग सटरका सम्बन्धमा जानकारी लिइरहेका बेला व्यापारी थापाले एकाएक आक्रमण गरेको बताए। त्रिनगरका केहि सटरको भाडा निकै न्यून र केहिको धेरै बढि रहेको गुनासो आएपछि विष्ट रिर्पोटीङका लागि विद्यालयमा गएका थिए।

तर रिर्पोटीङ गरिरहेकै अवस्थामा प्रधानाध्यापकको कार्यकक्षमा गएर। विष्टमाथि कुटपिट भएपछि उनी घाईते भएका छन्। विष्टको मुखमा चोट लागेको छ। यस्तै घटनाप्रति नेपाल पत्रकार महासंघ सुदुरपश्चिम प्रदेश समिती र जिल्ला शाखा कैलालीले गम्भिर ध्यानाकार्षण भएको जनाएको छ।

जनतालाई सूसुचित गर्ने जिम्मेवारी पुरा गर्ने क्रममा विष्टमाथि विद्यालयमै कुटपिट गरेको घटनालाई महासंघले आम पत्रकार र प्रेस स्वतन्त्रतामाथिको हमलाको रुपमा लिएको छ, जारी विज्ञप्तीमा भनिएको छ।